monumenta.ch > Hieronymus > sectio 23 > sectio 3

Word Selection for Searching

Report an Error in this Sectio
Hieronymus, Commentarii, in Danielem, 9, 3
Ego Daniel intellexi in libris numerum annorum de quo factus est sermo Domini ad Ieremiam prophetam, ut complerentur desolationis Ierusalem septuaginta anni. Praedixerat Ieremias septuaginta annos desolationis templi : post quos rursus veniret populus in Iudaeam, et aedificarentur templum et Ierusalem: quae res Danielem non facit negligentem, sed magis provocat ad rogandum: ut quod Deus per suam promisit clementiam, per huius impleat preces, ne negligentia superbiam, et superbia pariat offensam.